စာပေလိုက်စား ဗဟုသတလိုလားသူများကို ဒီတခါ မျှဝေပေးချင်တာက ကျီးကန်းတို့ဆီကနေ လူတွေ အတုယူစရာအမူအကျင့်ငါးမျိုးအကြောင်းဖြစ်ပါတယ်။ဒီအမူအကျင့်ငါးမျိုးကိုရာဇနီတိမှာအခုလိုတွ့ပါတယ်။
ဂုယှေ မေထုနာ ပေက္ခဉ္စ ၊ ဘောဇနံဥာတိသင်္ဂဟော။ဝိလောကာပေက္ခာနာလသျံ ၊ ပဉ္စသိက္ခေယျဝါယသာ။
(အဓိပ္ပာယ်) ကျီးကန်းတို့မည်သည်။
၁။ သူမမြင်သာ လျှို့ဝှက်ရာ၌ မေထုန်မှီဝဲခြင်း၊
၂။ အကြိမ်များစွာ ကြည့်ရှုဆင်ခြင်ခြင်း။
၃။ စားမည့်အစာကို ဆွေမျိုးတို့နှင့်အတူစားခြင်း
၎။ ရန်သူချောင်းမည် မချောင်းမည်ကို စောင်း၍ကြည့်ခြင်း။
၅။ မပျင်းရိခြင်း ဤငါးပါးတို့ကို ကျီးကန်းမှ သင်ယူရမည် လို့ ဆိုလိုပါတယ်။
(၁) အချက်ဆိုရင် ဒီနေ့ခေတ်မှာ အထူးပြုပြီးတော့ကို ကျီးကန်းတွေဆီမှာ သင်ယူသင့်နေပါပြီ။ ဘုရားကျိုဘုရားကြား၊ ကျောင်းကြိုကျောင်းကြားတောင် မဆင်ခြင်တော့ဘူး။ ဟိရီလို့ခေါ်တဲ့ မကောင်းမှုပြုရမှာကို ရှက်ခြင်းနဲ့ သြတ္တပ္ပလို့ခေါ်တဲ့ မကောင်းမှုပြုရမှာကို ကြောက်ခြင်းဆိုတဲ့ ဒီတရားနှစ်ပါးကို လောကပါလတရား လောကစောင့် တရားလို့ ခေါ်တယ်။ ဒီအရှက်အကြောက်တရားတွေကသာ လောကကို စောင့်ရှောက်တာဖြစ်တယ်။ ဒီတရားနှစ်ပါး ကင်းကွာရင် လောကပျက်စီးတတ်တယ်။ လူငယ်တွေ နိုင်ငံခြားကို အထင်ကြီး နိုင်ငံခြားကို အတုယူကြတဲ့အခါ ကိုယ်က မြန်မာလူမျိုး မြန်မာ့ယဉ်ကျေးမှုဆိုတဲ့ ဘောင်တွင်းမှာ နေနေတဲ့ ယဉ်ကျေးသော အမျိုးကောင်းသားသမီးတွေဖြစ်တော့ ဒီနှစ်ချက်နဲ့တော့ မိမိကိုယ်ကို ဘောင်ခတ်ကြဖို့ သင့်တယ်။ ဒါ အင်တာနက်ပေါ်မှာ လူငယ်တွေ အများစုရှိလို့ စေတနာနဲ့ ပြောတာပါ။
(၂) အချက်ကိုလဲ သတိထားရမယ်။ အကြိမ်များစွာ ကြည့်တယ်ဆိုတဲ့နေရာမှာ တစ်ကြိမ်တစ်ခါ စမြင်ဖူးရုံမှာ အပြစ်အနာအဆာ သိပ်မတွေ့ဘူး။ မစေ့စပ်ဘူး။ အကြိမ်ကြိမ်ကြည့်လေ အသေးစိတ်သိလေဖြစ်လာတတ်တယ်။ ဘယ်အရာမဆို အကြိမ်ကြိမ် ကြည့်ရှုပါ။ စစ်ဆေးပါ။ ဒါဆို အကြည့်နဲ့အတူ အသိပါ တိုးလာနိုင်တယ်။ ဒါကြောင့် ဒါလဲ အတုယူစရာပါပဲ။
(၃)အချက်လဲ သိပ်ကောင်းတာပါပဲ။ ခုခေတ်မှာ သူ့စီးပွား ကိုယ့်စီးပွား အပြိုင်ရှာကြတာကတော့ သိပ်ကောင်းပါတယ်။ ဒါပေမယ့် ကိုယ်ကောင်းဖို့ သူတပါးကိုချနင်းတာမျိုးကတော့ မကောင်းဘူး။ ဘယ်သူသေသေ ငတေမှန်ရင်ပြီးရော၊ ကမ္ဘာမီးလောင် သားကောင်ချနင်း ဆိုတာမျိုးတွေ များလာတယ်။ ဒီတော့ တစ်ယောက်နဲ့တစ်ယောက် အမုန်းအငြိုး အာဃာတတွေ ဖြစ်လာတယ်။ ဒီအခါမှာ စီးပွားရှာတဲ့အခါလဲ အန္တရာယ်မကင်းတော့ဘူး။ မအေးချမ်းတော့ဘူး။ စီးပွားဘက်ချင်း လူသားချင်း မျှတတဲ့စိတ်ကလေးထားနိုင်ကြမယ်ဆိုရင် အေးအတူပူအမျှမသေခင်ဘ၀လေးမှာချမ်းသာ ပျော်ရွှင်စွာ
နေနိုင်ပါတယ်။
(၄)အချက်ကလဲငါးစာသာမြင်ပြီးမျှားချိတ်မမြင်ဘူးဆိုတဲ့ မြန်မာစကားရှိတယ်။ တော်ရုံလူက ပျော်စရာရှိလဲ အတိုင်းမသိ လွှတ်ပျော်ပစ်လိုက်ကြတယ်။ ဒီတော့ ၀မ်းနည်းစရာကြုံလဲ လွှတ်ပြီး ခံစားပစ်ကြတယ်။ ဘာဖြစ်လို့လဲဆိုတော့ တစ်ခုဆို တစ်ခုပဲ ကြည့်တာကိုး။ ရမှုတစ်ခုကို ကြည့်တတ်ရင် ဆုံးရှုံးဖို့တစ်ခုကိုပါ ထည့်တွက်တတ်ရမယ်။ ဘယ်အရာမှာမဆိုပါပဲ။ လောကမှာက အကောင်းနဲ့အဆိုး အမြဲဒွန်တွဲနေတာ။ ဘယ်နေရာမှာမှ အကောင်းချည်း မလာဘူး။ သူတပါးဆီက ပစ္စည်းတစ်ခုလိုချင်ရင် ကိုယ့်ပိုက်ဆံအိတ်ထဲက ပိုက်ဆံတစ်ချို့ လျော့သွားမှာကိုလဲ တွက်ထားရမယ်။ ဘုန်းကြီးလဲ ဒီလိုပဲပေါ့။ ဘုန်းကြီးတွေကို လာကတ်မှာစိုးလို့ပါ။သူများဆီကတစ်ခုကိုအလှူခံရရင်ကိုယ့်ဘက်ကလဲအကျင့်တစ်ခုနဲ့တော့ပြန်ပေးဆပ်
ရတာပဲ။ ပြောချင်တာက ဘာမှ အလကားအမြတ်ထွက်လာတာ မရှိဘူး။ ပေးဆပ်ခြင်းနဲ့ ရယူခြင်းဆိုတာ အမြဲ ရှိနေတတ်တယ်။ တခုခုကို ရယူတိုင်း ယူတိုင်း ပေးဆပ်ဖို့ တခုခုကို အမြဲ တွေးပေးရမယ်။ ဒါဆိုရင် အောင်မြင်ခြင်း ကျဆုံးခြင်းဆိုတဲ့ အတက်အကျလဲ မကွာဟနိုင်ဘူး။ကွာဟလာလဲခံနိုင်ရည်ရှိတယ်။
(၅) မပျင်းရိခြင်းကတော့ သိပ်ပြောဖို့လိုမယ်မထင်ပါဘူး။
ဒါပါပဲလေ။ အင်တာနက်သုံးနေတဲ့ လူငယ်တွေ လိုချင်တဲ့လူရှိလဲ သိနိုင်အောင်ဆို ကိုယ်ဖတ်ခဲ့ဖူးသမျှထဲက ထုတ်နုတ်ပြောပြတာပါ။ ဘာသာရေးစာစောင်တွေကျတော့လဲ ဖတ်ချင်မှ ဖတ်ကြမှာကိုး။ သူတို့ရှိတဲ့နေရာ လိုက်ရေးပေးရတာပါပဲ။အားလုံး မိမိရဲ့တာဝန်ကို ကျမ္မာချမ်းသာစွာရွက်ဆောင်နိုင်ကြပါစေ။
